Google ADS

“S’na kanë arrestuar akoma”, gazetarët Artan Hoxha dhe Elton Qyno intervistohen nga SPAK-u

16:18 | 25 Nëntor 2024
E.H

Gazetarët nga Shqipëria të kronikës së zezë, Artan Hoxha dhe Elton Qyno, kanë dalë nga ambientet e SPAK ku qëndruan për gati një orë.

Në dalje ata nuk folën me kolegët gazetarë mbi arsyen e thirrjes apo për të konfirmuar lajmet e publikuara gjatë paradites së të hënës mbi masat e sigurisë ndaj tyre.

Gjatë të hënës në disa media u publikua lajmi i arrestimit të gazetarit Artan Hoxha dhe caktimit të masës detyrim paraqitje për Elton Qynon, raporton A2cnn.

Megjithatë, para se të futeshin në SPAK, ata pohuan se iu ishte bërë një kontroll në banesa gjatë ditës dhe iu ishin sekuestruar telefonat celularë. “S’na kanë arrestuar akoma”, dëgjohet të thotë Hoxha.

Më herët, kryetari i Partisë Demokratike, Sali Berisha, i kërkoi SPAK të heqë masën e sigurisë së dhënë ndaj gazetarit Elton Qyno, por jo për kolegun e tij, Artan Hoxha, të cilin e etiketoi si “anëtar i bandës Bajri-Gjoka, të PS”.

Shpërndaje në rrjete sociale

Lajmet më të lexuara

Të ngjashme

Foto lajm